政情：周浩鼎尊稱柯創盛做「娿哿」？

其實周浩鼎係尊稱柯創盛做「柯哥」，但就講到同指斥他人囉唆、長氣嘅粵語「娿哿」同音，聽到柯創盛都眉頭一皺，一臉尷尬。周浩鼎解釋呢個叫法係熟人所用，但柯創盛就連聲勸大家叫佢「柯仔」，更直指「柯哥」好難聽。

恃熟賣熟笑「何傻賢」

唔係新丁嘅何俊賢都有嚟撐場，更幫口叫柯創盛做「柯大哥」，但周浩鼎就攞番何俊賢收到寫錯名嘅請柬嚟玩，借機叫何俊賢做「何傻賢」，笑稱大家夠熟落唔會介意，但何俊賢不甘示弱急稱自己「好介意」。眼見玩出火，但周浩鼎冇被嚇到措手不及，反指介意都要稍後先同佢計喎。