中環出更：陳曼琪返工嚴肅 放假換Look
香港中小型律師行協會創會會長陳曼琪（Maggie），近年因反佔中同反港獨而聲名大噪，其強悍嘅「正義女神」形象深入民心。早幾日喺一個酒會見到Maggie，佢自認返工時太嚴肅，所以放假就會換輕鬆Look，連朋友都話佢換咗Look後講嘢都調皮啲。
「變身」後講嘢都調皮啲
Maggie自爆返工同放假係兩個樣，放假時唔着高踭鞋去街，通常着件T恤、牛仔褲，頭髮就紮起條馬尾，朋友話佢換咗打扮時，講嘢都輕鬆調皮啲，聽到朋友咁講，佢都覺得好開心。
由於平日工作好忙，所以Maggie好珍惜同老公及狗仔相處嘅時間，為咗可以帶狗仔一齊出外，就算老公好怕熱，但都會揀去戶外餐廳食嘢。講開食嘢，Maggie話呢排有個困擾，就係成日被人話佢瘦咗，但其實多年嚟佢嘅體重都差唔多，既然咁多朋友關心佢，佢惟有徇眾要求食多啲嘢喇！
卓妮