古巨基：機場被封 未能返港
【本報綜合報道】槍擊發生時身處拉斯維加斯的本港歌手古巨基和太太Lorraine，昨晨接受電台節目長途電話訪問。基仔稱事發時他跟太太、兩個朋友正於Bellagio酒店向自己入住的酒店前行，他說：「突然之間好混亂，好多人衝晒入嚟酒店入面，淨係聽到大家喺度嗌、喺度叫有shooting！之後我哋四個人匿咗喺一個賭枱下面囉，當時好慌亂，唔知道喺邊度發生事。」
事發後所有酒店不能出入，基仔稱：「直至清晨五點鐘左右解封，最後我哋係步行返酒店，好坦白講出到室外嘅時候情緒係好緊張，到返到酒店房間先至完全覺得回到安全地方。」
匿枱底「攬住太太好驚」
問到腦裏最深刻感受？基仔說：「當時係好恍惚，尤其是喺賭枱底匿埋嘅時候，我攬住咗我太太、佢好驚，我都好驚。」
基仔稱因情緒未平復而難於入睡：「都有朋友問使唔使即刻返港？因為尋晚連機場都封埋，我諗要視乎呢兩日航班、交通情況。」基仔指現巿面已回復正常，但有說所有酒店表演都取消。至於基仔昨日亦有在社交網留言感謝幫助他們的人士，及願死者安息，傷者早日痊愈，願不要再有暴力事件。