早前因內地收緊廢紙進口標準同審批程序，廢紙無價無市變咗垃圾，搞到香港廢紙圍城。尋日有立法會議員聯同業界見環境局嘅官員，業界話最多能夠捱多一個月，如發生第二次停收，碼頭倉庫一定會爆滿，到時一發不可收拾，但係局方嘅回應只係話正同緊內地商討，未有時間表。話時話，依家只係剩番一個月，業界同市民都好着急，但係局長黃錦星仲喺度歎慢板，到時爆發第二波廢紙圍城嘅話點算，黃錦星肯定孭鑊喇！
