政情：林子健Fb發感言 「看透人情冷暖」
上月聲稱自己被擄走兼被人用釘書釘喺大髀釘十字架，但最後被警方控告誤導警務人員罪嘅民主黨成員林子健搞到官司纏身，事發至今超過一個月，佢就喺社交網站發表感言，話事件令佢學識好多嘢，亦令佢「看透人情冷暖」，同埋「認清誰人才是真正朋友（妹姊弟兄）」。唔知佢所講嘅真朋友包唔包括畀佢拖落水嘅黨友呢？
認清真正朋友
林子健喺社交網站話，今次事件令佢學懂好多事，尤其係「在非理性的攻擊中學曉處變不驚」，又話事件令佢「看透人情冷暖，並世間跟紅頂白的現實與嘲諷」，呢一切使佢要更謙卑學習做人處事。佢又話「患難見真情」，在佢「最困難及被（備）受『怨屈』的時候」，認清咗邊個先係真正朋友，仲講到要「在此飲泣拜謝諸位」添。
林子健又提到，希望香港人要好好了解國情，認為咁樣先可以知己知彼，辨清事情真偽，「為未來帶來抗爭的盼望」喎。