中環出更：陳帆仆低 基建發展出師不利？

批反一地兩檢者 為反而反

陳帆同學生對話時，已屢遭學生挑機質問。有學生質疑興建三跑和高鐵係咪有實際需要，佢就回應指基建並非為製造大白象，而係加強本港對外聯絡性，有助保持香港嘅競爭力。佢又話，高鐵係畀港人更多選擇，又話現時反對一地兩檢嘅人，重提早年立法會已討論過嘅理據，係為反對而反對。

陳帆其後到場外接受傳媒訪問，稱香港社會服務聯會稍後將交代首批被稱為「良心劏房」嘅「社會房屋」計劃單位，指單位數量及租客選擇由社聯負責，佢「不宜講咁多」。不過唔知佢係咪「講錯嘢」，心不在焉，當佢上樓梯想返回會場時，一個唔小心被樓梯絆倒，成個人仆坐喺地上，要由旁人急急扶起，場面認真尷尬。

卓妮