政情：公民講場：「拆」港獨慢半拍沈祖堯終出手

呢排大專院校校園好唔安寧，港獨嘅標語同橫額拆之不絕，仲有啲冇人性嘅奚落個別人士標語，引起全城怒吼，其中本月初最早出現港獨標語嘅香港中文大學，校方被外界質疑清拆港獨標語嘅行動唔夠堅定不移，直至尋日，中大校長沈祖堯終於企出來，明確表態反對港獨，並要求學生會移除有關海報或橫額，否則校方將會採取行動。沈祖堯今次遲來出手嚴打校園港獨標語，希望校方態度要夠強硬，咪畀班學生繼續得寸進尺。