政情：公民講場：鵝蛋被消失市建局非執董話唔知

市建局喺波鞋街重建計劃中嘅「空中花園」消失咗，已經被鬧爆「走數」，點知佢哋早前向城規會申請修改觀塘市中心重建項目嘅設計，靠近觀塘道嘅政府辦公室同零售建築「鵝蛋」形地標設計消失咗，又被批評「過橋抽板」。點解鵝蛋消失咗？市建局非執行董事陳家珮都話市建局向城規會提交修改方案前，佢都唔知計劃設計或有重大更改。市建局改動重建計劃嘅項目竟然連非執董都唔知，咁邊個先知？市建局行政總監韋志成點都要交代清楚。