政情：的士拒載 求助議員鄭松泰預咗DQ？

鄭松泰喺Facebook話遇上十架的士，當中有九架拒載，另一架司機就先拒載後，再要求收回程隧道費先肯開車，搞到佢大呻除咗報警之外，係咪應該搵議員求助。嗱！鄭松泰自己就係立法會議員，可以直接去信相關政府部門要求跟進，何解要另搵議員幫手呢？

倒插旗案被裁表證成立

其實，鄭松泰目前捲入立法會會議廳內倒插國旗區旗嘅案件，更被裁定表面證供成立，但係咪會失去議席仲係未知之數，睇嚟佢無乜信心自己能夠繼續坐喺議席喎。網民就留言話「搵鄭松泰議員幫你手啦」、「鄭議員，你未（咪係）議員囉」，亦有網民反問鄭松泰搵邊個議員幫手，而大部分網民都一致批評的士司機嘅拒載行為。