中環出更：何君堯促炒戴耀廷 馬斐森拖字訣
立法會議員何君堯早前喺網上收集逾八萬人聯署，要求辭退港大法律系副教授、佔中發起人戴耀廷，早前已去信港大校務委員會要求書面回覆事件。何君堯尋日中午出席活動時話，已收到港大校長馬斐森嘅書面回覆，指按現有程序處理投訴；對於港大未有交代會唔會啟動投訴機制或成立委員會處理事件，何君堯透露已再去信港大要求明確交代。
對於會唔會採取法律行動，何君堯話依家「言之尚早」，又話逾八萬人聯署支持炒戴耀廷，佢睇唔到港大唔啟動調查機制嘅原因。
周日辦反港獨集會
此外，何君堯狙擊戴耀廷行動持續，佢喺即將來臨嘅周日會喺金鐘舉行集會，主題為反港獨、革走戴耀廷吶喊大會等，並已向警方申請咗二千人出席集會，佢呼籲市民出席，為香港撥亂反正。
卓妮