今天是麗珊首日在超市上班，她換上工作服後被安排執拾貨物。當她發現貨架上的凍肉已經賣清，打算進入凍房拿取凍肉補給。正當她準備打開凍房大門之際，曹經理立刻將她叫停。
曹經理對麗珊訓話道：「今朝入職安全訓練有講過，每次進入凍房都要通知附近工友，應避免自己一個進入凍房工作。每次進入凍房時應穿着公司提供嘅禦寒厚衣同佩戴禦寒手套，以免手部皮膚直接同冷藏物品接觸，造成傷害。」
曹經理續道：「好似係上星期，某超市員工走入凍房拎貨，點知凍房大門突然被關上。員工被困十分鐘後先被救出，最終需要送院治理。」
麗珊慚愧地說：「我諗住入去拎吓嘢，好快可以出嚟，所以咩都冇準備就打算行入去，冇諗過原來有危險。」
曹經理嚴肅地說：「入凍房一定要跟足安全指引，否則好易會出事。等我考吓你喇，如果凍房大門突然之間被關上，應該點做？」
麗珊思考一會後回答：「我記得入職訓練有講過，如果凍房大門突然關上，一定要保持鎮定。凍房大門係裝有室內緊急開門掣，就算喺裏面亦都可以開門。另外，公司喺凍房裏面安裝咗警鐘，萬一受困，可以敲響警鐘求救。」
曹經理對麗珊的回答滿意點頭，然後補充：「凍房溫度一般係攝氏零下四度左右，若長時間喺裏面逗留而又冇足夠禦寒衣物，好大機會出現低溫症，導致昏迷，更有可能引致死亡，所以喺凍房工作絕對唔可以掉以輕心。」
職業安全健康局
www.oshc.org.hk