喺屯門興德學校被揭影子學生同校內管理混亂事件後，教育局被批評數學生嘅方法有問題，而最新嘅民意調查結果顯示，局長楊潤雄嘅民望大跌，好明顯係受呢件事影響。老實講，近日多間大學爆發校園播獨事件同貼上侮辱副局長蔡若蓮嘅字句，風波一發不可收拾，楊潤雄可以話係屋漏兼逢連夜雨，民望或會進一步下瀉，要止跌嘅話，好睇佢有乜板斧可以平息呢個亂局喇！
