政情：今日你上鏡：避談紀評會 鄧以海推畀羅智光
海關關長鄧以海早兩日出席一個政府人員協會嘅活動，而舊年佢係以副關長身份出席同一個場合，當時被問到會唔會想自己人做關長時，佢就唔方便回應，今次作為關長，佢主動重提呢件事，笑指「我用個事實話畀你知」。
笑言局長「有啲諗法」
對於包括海關在內嘅紀律部隊評議會幾年前退出薪酬趨勢調查委員會，被問到係咪希望紀評會重返委員會，鄧以海就推畀同場嘅公務員事務局局長羅智光，叫大家問吓局長，局長應該有啲諗法，作為紀律部隊，最緊要係以和平理性合作方式，去做好件事。至於羅智光就話同紀評會溝通緊，問佢係咪有希望拉番紀評會埋嚟，佢就話樣樣嘢都有希望o架啦！