嘉頓中心申重建 舊居民憂深水埗失靈魂

設計簡約 屬現代主義建築

三代以深水埗為家的建築師徐卓華提及嘉頓，如數家珍，由嘉頓山到嘉頓中心、再到生命麵包及嘉頓雪條都貫穿她的童年：「火箭雪條嗰陣一蚊條，仲引入英國配方嘅穿梭機味，不過二千年前後都停晒產囉！」徐卓華就讀石硤尾的中學，每日途經設計簡約的嘉頓中心，都覺得其外形「白雪雪冇乜嘢」，直至後來專攻建築才發覺嘉頓中心原是寶，是由第一代華人建築師朱彬設計的現代主義建築代表作，「計算過太陽角度嘅遮陰板，到今時今日，唔講都唔覺已經八十幾年」。

立法會前議員馮檢基憶述讀書時，每逢放假都會到家人位於深水埗唐樓的山寨廠幫手，由往日北河街碼頭上岸後，從遠處就會看到嘉頓中心，「當年唔係人人都有手錶，嘉頓鐘樓就為居民報時。」之後基哥也在這區投身社會，「呢區係低收入社區，而嘉頓係大家共同嘅感情！」

嘉頓山恐遭石屎森林淹沒

嘉頓山近年由深水埗後山變成港人拍攝熱點，尤其入夜後街道燈火通明，小山丘勝在貼近生活脈搏，視野遍及深水埗及石硤尾屋邨和舊唐樓，西九龍昂船洲夕陽更一覽無遺。目前七層高的嘉頓中心一旦改建至逾二十層，隨着舊區變天，山丘日後難免遭石屎森林淹沒。

出生至今三十幾年都居於石硤尾的邱小姐則指，早已對嘉頓中心的一切習以為常，慨嘆深水埗「冇乜摩登地標，唐樓又預咗會拆」，呼籲嘉頓為升斗市民保留這段集體記憶，煞停重建方案。