黃之鋒因反國教一反成名，被爛果報狂吹猛捧成少年英雄，之後又被別有用心的西方媒體歌之頌之為「思想家」、「風雲人物」，一時風頭無兩。一個少年人被如此吹捧，不以為大地在我腳下者，都唔似係血氣方剛、腎上腺素飆升嘅抗爭英雄喇！
黃之鋒走上「違法達義」的不歸抗爭路，除了社會「有識之士」鼓吹歪風，還有就是家教問題。點解咁講？當黃之鋒從「佔領中環，正式啟動」到「佔領監獄，正式啟動」，作為「鋒仔」父母的，有冇教個仔即使「公民抗命」都要守法、都要有底線？睇怕就冇喇！其父大發謬論，指兒子入獄等同司法不公。兒子入獄怪政府「苛政」，輸咗官司就話「政治迫害」，這不是典型的「養不教，父之過」嗎？
至於黃之鋒阿媽就更加偏激，佢寫信畀特首林鄭，處處維護鋒仔，話佢不過是爬欄進入原為「門常開」變「門要關」的「公民廣場」，卻被加罪等同「暴力」、「暴動」，要被重審追加刑期。看官，這不是擘大眼講大話嗎？黃之鋒是「爬」入公民廣場嗎？每當提到呢單案，電視螢幕便不停播佢蠻闖公民廣場一幕，號召年輕人跟佢衝入去，黃母還要強詞奪理說是「爬」，這溺愛得有點過分了吧？她更反問林鄭：「身為母親，妳可理解我對兒子能夠『擇善而固執之』的欣慰？」她指斥政府「苛政峻法」，如此倒果為因，鋒仔出冊時，在其「欣慰」激勵下，屆時再爬入公民廣場、爬入立法會、爬上金紫荊雕塑「公民抗命，無畏無懼」，氣勢必然更壯矣！
老朽想借孔子幾句話同黃母分享：「少之時，血氣未定，戒之在色；及其壯也，血氣方剛，戒之在鬥；及其老也，血氣既衰，戒之在得。」鋒仔出冊之時，但願不是猛虎出柙，黃母宜告之戒之在鬥，平淡是福，何必成世精彩？