「雙學三子」早前被判囚，而同佢哋一樣都係佔領行動核心嘅學聯前副秘書長岑敖暉，尋日喺一個電視節目上承認現時民主運動係佔領行動同旺角暴亂過後嘅低潮。正所謂「出得嚟行，預咗要還」，既然佢哋做咗違法嘅事，當然要找數，承擔番法律責任；而令到民主運動陷入低潮，明顯係市民唔認同呢種抗爭手法同擾亂社會秩序嘅不法行為，與其留戀往昔，包括岑敖暉等一班青年人倒不如趁呢段時間反思己過，唔好再重蹈覆轍。
