網民炮轟 男事主：係我哋錯
【本報訊】打風都要去行山，令消防同處險境陪捱風雨，兩名事主吃了苦頭，還要被網民鬧爆。有網民指天文台早已預告會打風，亦於周六（26日）上午發出一號戒備信號，更預料將改掛更高信號，明知風暴將至卻依然行山，直斥二人罔顧自身安全，「做嘢前唔用腦」，反問「打風乖乖哋留喺屋企好難咩？」有網民則替救援人員擔心，怕他們出意外。獲救的姓李事主送院後亦心存歉疚，哽咽道：「非常唔好意思，都係我哋嘅錯。」
行山客在酷熱警告、惡劣天氣下遠足行山出意外的情況經常發生，被批評準備不足、預防意識差，以致自投險境，昨日的「打風行山」行為，被網民批評在風球下拖累營救資源。有人揶揄稱，應立例規定打風下行山的人士，出發前先到警署簽「生死狀」。另一方面，有人認為本港應效法日本，為救援直升機制訂收費，每次出動皆要向獲救人士收取費用，金額按救援時長短而定，以免救援服務被濫用，亦可令鹵莽的行山客承擔一定程度的責任。
因同行女受傷 無奈報警
據了解，獲救的男女事主，來自深圳，其中姓李男事主獲救後身體虛弱，他接受訪問時稱，周六來港上山時並無下雨，因此決定照原定行程登山，他對於今次勞煩大批救援人員上山營救，感到相當抱歉，眼泛淚光哽咽道：「非常唔好意思，都係我哋嘅錯。」他又透露，其實原本並不想報警，因生怕麻煩到他人，但由於女友人腳部受傷，難以行走，天色又暗下來，無可奈何下只好報警求助，他坦言：「其實如果佢（女友人）行到嘅話，我哋都會自己行落嚟。」