政情：「走狗」記協又選擇性維護《蘋果》

發聲明批澳門拒《蘋果》記者入境

記協昨午發表聲明，話《蘋果》、《南華早報》等三間傳媒機構記者日前打算入境澳門採訪風災，但就被澳門當局以「對內部保安的穩定構成威脅」為由拒絕入境。記協發聲明批評澳門海關肆意收緊入境政策及多次以不同理由拒絕香港記者入境澳門，感到極度遺憾喎。

今次《蘋果》記者冇得採訪，記協就發晒聲明話極度遺憾，但《東方》記者正常採訪下被黎智英爆粗辱罵兼涉嫌恐嚇，黎聲言「我實搞你」、「我影X咗你張相o架」、「我X你老母X」，身為天主教徒做出啲咁離譜嘅事，記協都唔發聲明譴責，只係輕描淡寫叫涉事記者去報案；而壹傳媒搞「假自僱、真裁員」，記協亦同樣聲都唔敢聲，記協年報更加隻字不提有關事件，做法咁偏頗，難怪令人質疑記協係「走狗」，成為某啲機構嘅打手喇！

此外，外號「漢奸黎」嘅黎智英反口已就出售《壹週刊》等雜誌業務與買家訂立買賣協議，被員工怒斥「契弟」。壹傳媒尋日宣布有關消息後，漢奸黎嘅左右手、形同「契弟嘅契弟」Mark Simon就在傍晚六點半鐘搭車抵達漢奸黎嘅何文田寓所，約十分鐘後，先後再有兩名外籍男子分別步行及搭的士到黎寓所，參與漢奸黎嘅密會。

漢奸黎寓所密會多名外籍男子

有關密會進行約兩小時，直至晚上八點四十五分，漢奸黎送四人出門口，除了先前抵達嘅三人外，亞洲《華爾街日報》社論版編輯芮育光（Hugo Restall）原來於較早前已抵達黎宅，四人一起乘坐漢奸黎嘅七人車離開，莫非眾人是為漢奸黎擬出售《壹週刊》等雜誌業務事宜而來嘅？