民主派喺立法會拉布令政府工務工程撥款「大塞車」，靠政府工程「開飯」嘅建造業團體已多次就此到立法會抗議。本身係建造業總工會理事長嘅工聯會副會長周聯僑，尋日建議政府「強硬啲」，將政府工務工程嘅撥款繞過立法會工務小組委員會，直上財務委員會審議。直上財委會嘅話，咪等如殺咗工務小組，尤其依家工務小組主席就係工程界嘅盧偉國，周聯僑嘅建議唔單止要殺咗工務小組，連業界代表都要踢走，咁盧偉國豈非「冇得撈」？
