地盤總管強哥今早回到工地準備當天工作，完成早操及簡報後，強哥集齊各地盤工友說：「今日開工前同大家點一點個人防護裝備先，大家戴好安全帽未？」
各人齊齊整整準備過後，強哥一聲令下：「大家預備好了，我哋一齊向前做90度彎腰動作。」此刻，數位工友的安全帽應聲跌落地上，正當大家趕快拾回安全帽時，強哥嚴肅地說：「大家知唔知道點解安全帽會跌呢？」台下這邊一句：「無用Y形帽帶！」那邊又一句：「有用但無扣好戴穩！」左一句右一句之際，強哥說：「今早呢個活動係想畀大家感受到戴安全帽配Y形帽帶並不是大家所想像中簡單，唔正確佩戴的話，結果就好似剛才一樣。」
強哥繼續講解：「安全帽是我哋開工時必須使用的個人防護裝備，配合Y形帽帶正確佩戴，才能有效地發揮保護頭部的作用。過去好多致命工業意外都是涉及工友從高處或離地工作時墮下，工友佩戴了附有Y形帽帶的安全帽，並把帽帶正確扣上，可有效減低人體墮下時頭部受傷的程度。還有，扣上帽帶後，工友彎腰或抬頭仰望時，亦能防止安全帽鬆脫或安全帽從高處墮下。」
他說：「地盤現有為工友提供Y形帽帶，如果各分判商想自行購買，可申請職安局的資助計劃。職安局會資助合資格的中小企購買符合安全標準的安全帽連Y形帽帶。大家記住，保護頭部，要用配有Y形帽帶的安全帽。」
職業安全健康局
www.oshc.org.hk