李國棟（右）自爆睇完牙會膊頭痛，旁為梁世民。（葉華英攝）
香港牙醫學會早前舉行晚宴，唔少醫生都有現身，講起睇牙，估唔到平日揸慣手術刀嘅一班醫生都大呼怕怕！李國棟、香港西醫工會會長楊超發及前行政會議成員「金刀梁」梁智鴻都異口同聲話，睇牙時會緊張，一嚟太清楚個程序，二嚟剝牙嗰陣可以擘大眼望到，所以更加在意！
謝德富笑稱「怕佢有牙」
不過亦有部分醫生對睇牙無所畏懼，包括香港醫療專業人士協會創會會長王賜豪，以及有「富豪御醫」之稱的心臟科醫生謝德富。其中，王賜豪形容，睇牙嗰種係酸軟唔係痛，而謝德富唔怕睇牙，更笑稱「怕佢有牙？」
王賜豪話睇牙嗰種係酸軟唔係痛。
謝德富（左）表明唔怕睇牙，旁為太太陳曦齡。
謝德富太太陳曦齡就自爆多年前喺外國牙痛，牙醫話因為佢隻智慧牙出唔晒，然後幫佢打咗支針檢查咗一陣就話走得；原來個牙醫檢查時已快快手幫佢剝埋隻牙，不過唔係剝智慧牙，而係智慧牙前面嗰隻，之後佢就冇再痛，佢相信醫生決定係啱嘅。
卓妮
