非建制派要求政府就廣深港高鐵香港站一地兩檢進行公眾諮詢，表態反對嘅立法會議員陳淑莊尋日話，政改第二輪諮詢同通過深圳灣口岸都喺兩個月內完成，指高鐵通車仲有一年時間，無理由唔做諮詢。身兼行會成員嘅立法會議員張國鈞就話，一地兩檢「三步走」嘅第二步係需要人大常委會授權，假如因為做公眾諮詢而趕唔切呈交今年十二月人大會議，時間就會好緊迫。其實非建制派堅持公眾諮詢，或者只係想扯後腿，搞到一地兩檢「三步走」走唔切？
