較早前政府公布咗首批政治問責副局長及政治助理名單，其中原任中西區區議員嘅自由黨陳浩濂出任財經事務及庫務局副局長，意味其山頂選區議席需要補選。
早前有傳自由黨將派出富豪趙世曾兒子趙式浩（Howard）或前年參選過嘅吳龍飛競逐補選，Howard就話從來都冇諗過會選喎！
Howard話，自己平日喺黨內已經有好多嘢要跟，包括負責有關發展及地產嘅議題，非常忙碌，再加上要兼顧自己公司業務，根本冇時間抽身去做區議會嘅工作，何況區議會嘅嘢同佢做緊嘅工作完全冇關。
佢又話自己都好想抖吓，但為咗研究所有對業界有影響的政策、同埋做好自己工程公司嘅事，幾乎從來都冇機會停低過咁話，睇嚟佢真係好努力。