原來邵家輝錯將卸妝油當護膚油,所以扮靚差啲變「毀容」。不過,佢話經此一役,皮膚反而靚番好多喎。當晚出席嘅業界人士個個心情靚靚,邵家輝就話近幾個月零售業市況已經回暖,大家心情梗係靚番晒喇!以前零售嚴冬嘅時候,業界連大型活動都冇心機搞添!
朱雯迪致力推動業界發展
總會會長朱雯迪就話過去業界面對唔少挑戰,所以總會致力推動業界合作、海外交流同推行資歷認證計劃等,以凝聚業界力量,爭取業界權益,並努力回饋社會,未來將繼續以「專業、互愛、活出善康美」為行業同社會作出貢獻。
同場仲見到教育局資歷架構秘書處總經理彭炳鴻,講到近年美容從業員好勤力考試取得資歷認證,唔知係咪考試考得最多的行業?佢笑稱冇統計過,不過近年比較突出嘅係大廈保安員,因為實施最低工資之後好多人入行,個個都爭住攞資歷認證傍身囉!
卓妮