家陣有套荷里活電影《鄧寇克大行動》正在上映，講述二戰時期近四十萬英法士兵被納粹德軍圍剿，危在旦夕，但憑住一個都不能少嘅愛國精神，盟軍最終成功將士兵救走。好嘞，功夫茶想問吓大家，呢套歌頌人命可貴嘅二戰電影，同「賣員工落妓寨」嘅漢奸黎有咩關係呢？
答案當然係一啲關係都冇，之但係漢奸黎厚顏無恥到一個點，係都要拉埋嚟講為自己臉上貼金，唔到你唔服。係人都知，漢奸黎身邊有位洋助手Mark Simon，本身係美國前情報人員，漢奸黎做咗咁多陰騭嘢，洋助手功不可沒o架，好似前排嘅政治黑金案，咪就係呢位洋助手經手嘅囉。可能眼見漢奸黎日日畀人鬧契弟實在太折墮啩，洋助手連日撰文護主，力撐漢奸黎出售《壹週刊》決定正確，仲以《鄧寇克大行動》做譬喻，話壹淫媒咁做可以保存實力，留待日後反攻喎。
喂，漢奸黎窮途末路，壹淫媒黃泉路近，話乜嘢日後反攻喎，回光返照就差唔多。講真，身為契弟嘅契弟，洋助手擦老闆鞋不難理解，但都唔好擦到咁離譜吖。呢套電影要帶出嘅精神係盟軍寧願放棄領土與軍備，都要救走大批滯留喺鄧寇克嘅子弟兵，事關冇嘢比得上人命咁寶貴。之不過漢奸黎就啱啱相反，為咗𢱑銀不惜賣員工豬仔，唔係搞「假自僱，真裁員」，就係將員工一腳伸落大海，話之佢哋死活，將呢挺自私自利嘅契弟同人哋嘅偉大愛國情操相提並論，唔止侮辱電影，簡直歪曲歷史吖！
好明顯喇，洋助手情報人員出身，冇可能連少少常識都冇，之所以亂噏當秘笈，無非指桑罵槐，含沙射影，將中央政府暗示為納粹德軍，漢奸黎就係正義之師，根本就係不倫不類，九唔搭八。大家有眼見，漢奸黎以勾結外部勢力及反中亂港為己任，自己賣國求榮仲要扮晒民主鬥士咁款，動輒將經營不善嘅責任賴落政治打壓嗰度，結果人哋一出價就(舌累)飯應，乜都現晒形。
所以話啫，崩口人忌崩口碗，咪睇漢奸黎做契弟做到街知巷聞，仲死撐話係「不可逆轉的宿命」，其實內心好虛怯，驚畀員工問候娘親吖嘛，驚畀人笑足一世吖嘛，咁佢老哥平時養埋咁多走狗打手，家陣正好派上用場，妓協同黑金政客吠完咯喎，咪輪到洋助手出場獻醜咯。
都係嗰句嘞，唔係你肯賣就實有人肯買，尤其漢奸黎個仔本身渾身毒瘡，邊個掂親邊個倒楣，加上洋助手亂咁抽水，隨時弄巧成拙，萬一個衰仔畀人彈番轉頭，莫講話反攻，直情連契弟都做唔成，咁就惟有爽死一途嘞。