政情：公民講場：阻高鐵通車 李漢奸 郭卓堅得把聲

政府公布一地兩檢方案之後，泛民主派即刻猛烈批評係割地賣港，就連外號「李漢奸」嘅民主黨（白鴿黨）創黨主席李柱銘尋日亦撲出嚟，話方案等同「整本《基本法》冇咗」，呼籲港府自行撤回方案，否則所有民主派議員應「企硬」反對，跟住「長洲覆核王」郭卓堅又向法院提出司法覆核。其實，李漢奸已經冇晒政治能量，依家仲喺度扮泛民共主，咪以為最後泛民真係會聽佢支笛先得o架，至於郭卓堅就更加係擺姿態，事關佢被禁三年唔准申請法援，又被政府追訟費嗌晒面臨破產，佢哋分明想靠嚇，阻撓高鐵通車喇！