高鐵一地兩檢嘅方案，民主派猛烈批評係割地賣港，有政黨更表明會反對，而落實一地兩檢最後一關就係本地立法，相信喺立法嘅過程中，民主派必定喺立法會用盡方法阻撓，甚至以慣用伎倆「拉布」嘅方式拖垮，咁就要睇下立法會主席梁君彥剪布嘅功力嘞，千祈咪論論盡盡，甩甩漏漏咁畀泛民有機可乘，否則搞到趕唔切如期喺明年第三季通車嘅話，到時高鐵變廢鐵，佢都咪旨意甩身呀！
