政情：公民講場：掛8號波惹議 岑智明賴人掛住放假

短命八號波「洛克」，搞到市民冇咗半日假期，有市民質疑天文台喺非工作日掛波手鬆啲，原來台長岑智明更早出手解畫，前晚喺Facebook分享天文台發布會嘅片段截圖，力證本周日凌晨至早上，「洛克」移動路徑旁嘅船、浮標同自動氣象站等均錄得烈風，佢仲話「更不用說近年來有些人關心額外的假期更甚於災難預防」。咁講，即係賴市民冇危機意識喇，唔知係咪講完又驚畀市民鬧，最後又補飛話會繼續關注社會嘅情緒同反饋喎。