部分仍未鋪設污水渠的鄉村，主要依賴沙井收集家中的污水以及排泄物，或將污水透過渠道直接排出海灘，惟兩者皆存在公共衞生隱患，後果不容忽視。居於沙欄村的陳先生嘆道：「居住環境真係唔太好，沙井一爆就好污糟，仲會吸引好多曱甴、老鼠入屋嚟，傳播細菌，好擔心健康問題。」而有離島海灘泳客更指，要與污水同游，擔心感染皮膚病。
衞生服務界立法會議員李國麟批評，渠務署及環保署應加快落實鋪設污水系統，改善環境衞生，「現今嘅香港，仲做唔到污水分隔，好容易爆發疫症，完全不能接受。」而皮膚科專科醫生史泰祖則指，「家居排出嘅污水，唔少都會含有強力清潔劑嘅化學成分，皮膚接觸到有機會引致紅腫、痕癢，引發皮膚病。如果身上有傷口，仲有可能造成細菌感染，搞到發炎，甚至生膿瘡！」