我有正能量：街市裙英

為連結社區、發掘紡織藝術的可能性，六廠基金會近年與香港紡織及成衣研發中心 （HKRITA）合作，舉辦「香車製造」項目，將HKRITA研發的科技注入布料，為荃灣香車街街市的檔販，設計出合適的多功能圍裙，為他們的生活帶來改變。基金會策展人盧樂謙說道：「圍裙同檔販們嘅生活密不可分，義務幫佢哋設計圍裙，可以同社區有更多嘅交流，持續喺城市內推廣紡織活動，將紡織文化同社會連繫。」

度身義製 檔販受惠

為設計出一條檔販心儀而又合適的圍裙，升級再造設計師熊銘健（阿健）花了數個月的時間搜集資料，除了長時間觀察外，亦與檔販們溝通，了解他們工作情況，成功製造出切合他們需要的圍裙。阿健指，「唔同檔口嘅圍裙有唔同需要，好似豆腐檔同菜檔，由於檔口容易接觸到水，所以圍裙要以防水為主，並且要夠長；相反豬肉檔因經常沾染豬血同肉碎，所以圍裙用咗有自清潔織物整理整備技術嘅布。」他亦會按檔販要求及喜好，設計圍裙的款式及顏色，如有檔販鍾情牛仔布，他亦會盡量滿足。

有人替馮婆婆度身訂造圍裙，令她十分高興。	「四合一多功能整理技術」及「自清潔織物整理整備技術」令布料可應付不同環境需要。	盧樂謙（右）希望活動能將紡織文化與社會連繫。

加工布料 防污防水

「好開心有人幫我度身訂造圍裙，自從着咗呢條高防水圍裙後，做嘢時圍裙冇再濕立立黐住我。」阿健為馮婆婆設計圍裙時，特地用了經「四合一多功能整理技術」加工的布料，令其達到高效的防水功能，他更細心地在圍裙兩邊各縫上口袋，「佢幫我整咗一邊有拉鏈嘅袋用嚟裝錢、而另一邊打開嘅袋就用來裝工具，有咗呢條圍裙，做起嘢上嚟方便好多。」

「四合一多功能整理技術係指防污、防油、防水同防皺；而自清潔織物整理整備技術，則係將沾上污漬嘅衣物放喺陽光下，就可以自行清潔。」香港紡織及成衣研發中心業務拓展總監陳慧欣表示，此兩種技術，能令衣物應付到不同的環境需要；其加工過程亦很簡單，「只要將化學品浸透布料，再用機器進行壓吸、預乾、固化嘅程序後即可」。經過加工的布料，一般更可經歷二十次的洗水。

圖：朱偉坤

文：湯庸皓