今年夏季流感來勢洶洶，估計高峰期仲會持續至少兩星期。港大微生物學系講座教授袁國勇撰文解釋，指今季引起流感嘅病毒同以前唔同，可能會令過去兩年嘅流感疫苗失效。袁國勇認為，幼童缺乏衞生意識、自理能力差，好易會因外面嘅遊玩設施而患病，建議家長未來兩星期盡量唔好帶佢哋去人群聚集嘅地方。暑假啱啱先開始就冇得去玩，都咪話唔慘，但小朋友不妨考慮下先做晒啲暑期作業，之後去玩都唔使心掛掛啦！
