中環出更：古蹟教堂啱清唱劉黃寧達讚聽出耳油

香港專業嘅演唱場地欠奉，連紅磡體育館都焗住變演唱會勝地。以清唱聞名世界嘅女子組合「迪凱利合唱團」早前應法國五月藝術節邀請來港，演繹美妙嘅中世紀及現代音樂，喺有過百年歷史嘅二級歷史建築九龍聖安德烈堂演出。贊助今次活動嘅珠寶設計師劉黃寧達（Leta）話，教堂屋頂嘅尖拱設計特別啱清唱，五位演唱者即使唔用咪高峰，台下眾人都聽出耳油。
周詠琁（後）與好友鄧宣宏雁（前右）及林黃寧艷（前左）以樂會友。
周詠琁（後）與好友鄧宣宏雁（前右）及林黃寧艷（前左）以樂會友。

靚女歌唱家周詠琁都話教堂嘅設計適宜唱歌，因為唱詩班經常喺度清唱，佢都試過喺教堂錄歌，效果好好。

Leta係聖安德烈堂嘅教友，所以咁有心，當晚仲邀請咗妺妹林黃寧艷一家人、保良局總理鄧宣宏雁同名媛Elizabeth Von Pfeil等去欣賞。

Leta話早兩年教堂旁邊新建嘅「生命中心」落成，有簇新嘅多功能室可以租用，日後要多啲介紹畀朋友先得。

表演籌備咗兩年

法國五月董事會主席阮偉文就話呢場表演安排咗兩年先落實，事關香港嘅演出場地有限，加上同知名藝人訂期動輒要提前至少一年，所以搞咁耐。佢同Leta及其丈夫劉守良律師相識多年，當Leta話畀佢知有咁好嘅場地，佢好開心。

劉黃寧達（左）邀請好友Elizabeth（中）同Pauline（右）一齊去欣賞音樂會。（溫國佳攝）
  • 劉黃寧達（左）邀請好友Elizabeth（中）同Pauline（右）一齊去欣賞音樂會。（溫國佳攝）
阮偉文（右）同劉守良（左）促成音樂會喺教堂舉行，聖安德烈堂牧師Alex McCoy（中）都現身支持。
  • 阮偉文（右）同劉守良（左）促成音樂會喺教堂舉行，聖安德烈堂牧師Alex McCoy（中）都現身支持。

卓妮

第一手消息請下載on.cc東網iPhone/iPad/Android/Windows Phone Apps