政情：DSE放榜 司局長為考生打氣

劉怡翔（箭嘴示）到母校聖芳濟書院同同學仔燒嘢食。

政府三司十三局全體官員，除咗律政司司長袁國強同商務及經濟發展局局長邱騰華離港外，各人都出動為應屆考生打氣。作為司、局長中唯一女將嘅食物及衞生局局長陳肇始曾經就讀跑馬地聖保祿中學，佢尋日除咗返母校外，亦有到銅鑼灣何東女子中學為應屆考生打氣。而發展局局長黃偉綸就到母校荃灣聖芳濟中學勉勵後輩「無嘢係一試定終身」。公務員事務局局長羅智光亦都去咗仁濟醫院王華湘中學，仲提醒同學仔要做好資料搜集，咁樣不論成績係咪理想，都可以有所規劃喎。

• 陳肇始（左）尋日出動，為應屆考生打氣。