政府再向立法會提交改革醫務委員會嘅《醫生註冊（修訂）條例草案》。食物及衞生局前局長高永文尋日喺電台節目中表明，唔希望繼續見到立法會使用極端手段阻止市民參與醫生管理嘅工作。事實上，因上屆醫學界議員梁家騮拉布，最終拖死咗草案，而現任醫學界議員陳沛然早期亦講過唔排除會拉布，而喺最後一次三方平台會議後，更指草案部分內容跟一六年嘅草案一樣而感到失望。唔通高永文係兇陳沛然，警告佢咪再阻撓草案通過？
