政情：顏明秀 吳景瀚 12歲已經冇暑假

要返廠學嘢兼幫手

好多廠二代細個都要返廠幫手。顏明秀話，以前每年都要去唔同部門跟前輩學習，一直到大學二年級先有機會自己出去搵實習，所以自己十二歲開始已經冇咗「放暑假」呢回事。而吳景瀚亦都同病相憐，話自己都係喺差唔多年齡嘅時候，就畀屋企人捉咗返廠學嘢同幫手，冇得好似其他同學仔咁周圍去玩，或者自己搵暑期工賺外快。

今次佢哋嘅四日三夜北京考察團有四十名學生，全部嚟自九間大學。去過北京多次嘅吳景瀚就話自己熟晒路，帶團完全冇問題，反而去年帶交流團去大連時就因為自己都係第一次去，所以有好多得着喎。