民間人權陣線尋日舉行一年一度嘅七一遊行,現任召集人區諾軒似乎已經預示遊行人數會較少,幾個月前開始就用同各界慶委會爭奪維園草坪作為起步點開始炒作,催谷人氣博支持,臨近七一又接二連三開記者會博見報。不過,佢嘅策略似乎失敗收場,民陣尋日喺遊行結束後宣布參與人數逾六萬,警方就話高峰時有一萬四千五百人,創咗○三年以嚟嘅新低,反映區諾軒之前做咁多嘢,最後都係得個吉,催谷變咗吹水呀!