政情：郭卓堅無錢畀堂費 掛橫額呼冤
呢排泛民主派為咗催谷更多人七一遊行，周街都掛咗橫額呼籲上街。尋日凌晨約一點半發現「長洲覆核王」郭卓堅竟然漏夜喺港島區掛橫額。難道佢亦嚟抽水？非也！佢唔係呼籲，而係呼冤，橫額嘅內容指佢因鉛水事件敗訴而無錢付堂費，批評政府逼佢破產。
郭卓堅漏夜喺軒尼詩道近分域街附近嘅欄杆掛橫額，其中一幅橫額寫上食水含鉛事件，指佢係為民請命，追究政府責任，但敗訴卻要付堂費五十三萬元，無法付！政府逼他破產。問佢掛咗多少幅橫額？他話：「四幅咋！冇錢呀！」之後他便離開。
郭卓堅喺舊年七月入稟高等法院就樓宇食水裝問題申請司法覆核，但高院拒絕受理案件，仲要佢負責水務署及房委會嘅部分訟費。