政情：裁員遭聲討 佔中勢落鑊 漢奸黎街站乞訟費
壹傳媒黎智英（漢奸黎）最近周身蟻，其創辦嘅壹傳媒計劃對旗下嘅《蘋果日報》、台灣《蘋果日報》等刊物推出「假自僱、真裁員」外判方案，被工會及各界人士猛烈抨擊，批評佢係「無良僱主」、「無良老闆嘅典範」。壹傳媒工會唔止強烈譴責壹傳媒，仲聲言要發起工業行動添！雖知漢奸黎兩年前公然參與違法佔領行動，佔領行動其中九名搞手已被帶上法庭，漢奸黎隨時被提控，到時又要使一筆官司費。唔知漢奸黎係咪擔心荷包就嚟乾塘，所以尋日先去「守護公義基金」七一籌款街站站台籌旗乞錢呢？
違法佔領行動發生逾兩年半，只有「佔領中環」發起人戴耀廷、陳健民、朱耀明等九名搞手被檢控，包括漢奸黎在內嘅三十九名佔領搞手至今仍然逍遙法外。原本話願意承擔責任嘅佔中三子，日前正式反口拒絕認罪，仲要民主派成立嘅「守護公義基金」為佢哋嘅官司磅水。同漢奸黎關係密切嘅民主黨（白鴿黨）七一前夕仲呼籲市民七一上街時捐錢畀基金。
民主阿婆嫌費事冇現身
不時喺七一上街搞搞震嘅漢奸黎尋日都有出動，參加民間人權陣線嘅七一遊行，佢仲喺「守護公義基金」嘅籌款街站站台一齊乞錢。下午兩時，漢奸黎就乘座駕去到有「李漢奸」之稱嘅白鴿黨創黨主席李柱銘於中半山嘅屋企，之後兩人就乘座駕去咗銅鑼灣維園參加遊行。漢奸黎同李漢奸遊行到基金街站時就遇上同為「搞事四人幫」成員、天主教香港教區前主教陳日君，於是就停咗喺街站，仲同佔中三子，以及一樣因佔中被檢控嘅立法會社會福利界議員邵家臻一齊站台。而參與遊行之後，晚上佢就搭飛機離開香港。
雖知基金依家籌到嘅錢係畀參與佔中嘅人打官司，漢奸黎佢哋個個有份佔中，加上漢奸黎壹傳媒都乾晒塘，虧損纍纍，要搞埋啲假自僱外判方案，漢奸黎等人梗係要積極乞錢啦！
除咗漢奸黎同佔中三子企街站外，尋日唔少因佔中而官司纏身及議員資格被司法覆核嘅議員都有出嚟籌旗撲水，包括陳淑莊、劉小麗、姚松炎等。
話時話，平日七一都會蒲吓頭嘅「搞事四人幫」成員、其成立嘅「香港2020」都收過漢奸黎捐款嘅「民主阿婆」前政務司司長陳方安生尋日就冇現身，唔通佢都知漢奸黎呢條水喉已經乾晒，所以打個招呼都嫌費事？
