立法會主席梁君彥尋日接受電台訪問時表示，希望隨着政府新班子上場，行政立法關係可以「春回大地」，恢復正常。佢又話如果大家願意，佢可以安排全體議員組團訪京。須知現屆政府與立法會關係差劣，雙方都有一定責任，部分反對派議員逢政府必反，拉布、掟嘢、搶高官文件乜都做齊，絕對唔會因為政府換屆而忽然改變。梁君彥寄望行政立法關係回春，好可能只係一場春秋大夢！
