政情：學生寸楊岳橋缺席撥款表決
立法會議員楊岳橋及鍾國斌尋日出席一個辯論活動，並接受學生提問。有學生問到泛民主派議員過去曾於撥款表決中缺席，導致以數票之差獲得通過，質疑泛民議員未有盡責及無法發揮制衡作用。楊岳橋聞言面露難色，承認自己係該學生所講嘅其中一分子，為未能做到一百分即時道歉。
楊直言感到難堪
楊岳橋直言感到難堪及唔好意思，所以會提醒自己不再缺席。佢又話，議員受大眾監督，而且相關資料係公開嘅，冇得逃避，仲話議員若想喺議會立足，就需要為個人行為負責任咁話。
雖然楊岳橋遇到咁尷尬嘅情況，不過，屬建制派嘅鍾國斌竟為楊岳橋幫口，解釋話立法會開會時間長，而且難以預料幾時會表決，加上議員亦需要落區工作，所以冇可能要求議員安坐議事廳中等投票喎。