中環出更：拍片教養生 波哥變網絡紅人
立法會保險界議員陳健波（波哥）早排上載一條教人沖杞子水嘅影片，結果喺網上瘋傳爆紅，即刻引來商家搵佢做代言人，不過波哥就婉拒咗，話情願拍多啲片教大家養生好過，真係搞笑。
商家邀做代言人
波哥話，上次教人沖杞子水嘅片段好評如潮，唔止身邊朋友，就連立法會保安都話有睇過條片，亦都有好友話條片喺澳門瘋傳，波哥笑稱自己已經由香港紅到澳門添！不過，最驚訝嘅都係有一間本地知名嘅燕窩公司，原本搵藝人鄭裕玲做代言人，早前突然打電話邀請波哥為佢哋旗下一個養生產品代言，仲叫波哥試飲一個月，睇吓身體有冇變好喎。
波哥怕有利益衝突，所以即刻拒絕咗，仲笑言「真係咪搞我」。佢又話之後會再繼續拍養生影片，訪問吓大學教授，仲會同大家分享其他養生心得咁話。
卓妮