政情：遇過露械狂 EQ倡設女性專用車廂
公共交通工具中出現風化案時有發生，日本及台灣早已喺地鐵上實施女性專用車廂，深圳亦會喺今個月實行。立法會議員葛珮帆（EQ）幾年前已開始提倡引入香港，但一直未有進展。點解EQ對女性專用車廂咁上心？原來佢讀小學時遇過露械狂。
EQ憶述，當時佢着住校服坐喺電車下層，有位男乘客對住佢露械，當時車廂乘客唔多，亦無人伸出援手，佢嚇到唔識反應。佢話因為呢段經歷，令佢明白女性遇上風化案件時都唔敢出聲，所以主張設立女性專用車廂。
話唔少男士都贊成
EQ又話，唔少男士都話贊成設立女性專用車廂，因為依家港鐵車廂太逼，搭車時經常要高舉雙手以免被誤會係色狼喎！睇嚟港鐵應該認真考慮吓喇！