話說壹淫媒老闆漢奸黎幾日前爆粗辱罵兼涉刑事恐嚇本報記者，大大聲話「我實搵人搞你」，到底漢奸黎想點「搞」，係明「搞」定暗「搞」，只有佢自己知，但佢呢頭話要搞記者，東方嗰頭就畀網上魑魅魍魎騷擾，打針都冇咁快見效，到底係有咁啱得咁蹺，抑或有人幕後操縱指揮，耐人尋味，連學者都唔排除事件同東方記者日前遭到刑恐有關，可見空穴來風，未必無因。
真的假不了，假的真不了，網上誹謗東方及東方創辦人嘅言論，原本不值一哂。正如毛伯伯話齋︰東風吹，戰鼓擂，現在世界上究竟誰怕誰？東方咁多年嚟同反中亂港惡勢力針鋒相對，咩大陣仗大場面都見過，網上遊魂野鬼，根本無足掛齒。當然喇，東方唔買佢哋怕係一回事，但唔代表討回公道會有所手軟。有辦你睇，幾年前「明報網站」之下討論區出現一篇自稱「轉載」嘅互聯網使用者、誹謗東方嘅貼文，東方透過法律程序成功取得網絡通訊位址以及所謂「轉載者」嘅個人資料，含血噴人者當堂原形畢露。
咁都未算。東方亦曾根據法律程序，成功揪出六名喺網上發放誹謗東方貼文嘅網民，包括三名高登網民，有關人士先後喺《東方日報》、《太陽報》以及on.cc刊登道歉啟事，有人更就誹謗東方行為作出賠償添。
好多人以為網絡係虛擬世界，等同無王管嘅化外之地，以為點樣亂噏廿四都「睇我唔到」、「捉我唔到」、「奈我唔何」，可以完全唔使負責任，其實大錯特錯。現實世界犯法會留下蛛絲馬迹，網絡世界犯法留低嘅證據只會更多，正如網絡專家話齋，任何網上行為都有迹可尋，網民喺互聯網上發表言論，比喺現實生活中更容易追蹤到。再講吖，抹黑第二個或者有可能走得甩，但東方向來是非分明，嫉惡如仇，為彰顯公義花費再多人力物力在所不惜，字典裏絕無「僥倖」兩個字！
話時話，惡意中傷東方及其管理層嘅貼文近年來喺網上陰魂不散，手法、文字幾乎同出一轍，幕後黑手固然呼之欲出，而壹淫媒長期假言論自由之名，行誹謗抹黑之實，無中生有砌生豬肉乜都齊，居然屢屢獲港府放生，可以繼續也文也武搞風搞雨，呢股歪風擴及互聯網，咪搞成今日咁囉！
功夫茶正告嗰啲匿埋喺網上含沙射影嘅妖魔鬼怪，正義只會遲到，卻永遠唔會缺席，全球最後一名納粹戰犯，年前雖然屆九十多歲高齡，一樣難逃法律制裁，同樣道理，犯東方者，雖遠必誅，匿到天腳底都刮到你出嚟！