選舉事務處喺三月底特首選舉後發生「失腦」事件，個人資料私隱專員黃繼兒尋日發表調查報告指失腦違規，鬧爆處方喺檢視同審批使用載有選民資料嘅查詢系統方面非常粗疏、蕭規曹隨，要求處方制訂相關嘅內部指引同做好電腦保安。黃繼兒鬧到咁不無道理，事關兩部腦載逾三百七十萬選民嘅個人資料，今次冇事，難保下次隨時爆發私隱大災難，私隱署唔做嘢就變咗失職，梗係唔可以放生選舉處喇！
