政情：人各有志 袁彌明阿哥受聘新民黨

同袁彌明一樣，Derek近年積極喺政界發展，佢曾經出任智庫「民主思路」總幹事，之後辭職加入特首候選人曾俊華嘅競選團隊。選戰過後佢一直無透露自己去向，原來係被重金禮聘去新民黨做政策總裁。

葉劉盛讚袁彌昌具國際視野

葉劉就大讚Derek學識豐富有國際視野，而且過去十年一直從事學術研究及大學教育工作，相信佢能夠為新民黨的政策研究工作，注入年輕、獨立嘅新思維。至於Derek就話若果葉劉邀請會考慮加入新民黨，又話想為新民黨開拓一個開明建制路線。