運輸及房屋局局長張炳良尋日出席房委會周年特別會議，回望任內五年，佢話喺房屋供應方面遇到好多阻力，搞到「事倍功半」；對於辣招無阻樓價癲升，佢就推諉係樓市「非理性」，只能奉勸買家小心啲。無論張炳良講出幾多藉口都好，事實係本港私樓樓價連續十五星期創新高，公屋輪候時間仍然長達四年半，呢份成績單點講都唔合格o架喇！
