被稱為「外遊局長」嘅教育局局長吳克儉（吳得掂），即使任期進入倒數階段，外遊成癮嘅佢都要把握最後機會外訪，難怪畀泛民批評佢「去旅行去到盡」！吳得掂尋日啟程到英國倫敦出席國際教育論壇，被問及任期剩番六個禮拜仲外訪時，佢死撐話自己會平衡留港工作同外訪，唔會停止推動教育，又話之前有人怨佢冇出席國際會議喎。解釋即係掩飾，睇怕佢係想舔到盡，用盡公費去旅行啫！點知飛機飛咗一半路程，就因為故障要折返香港！
