市建局行政總監韋志成上周發表網誌指納米樓係大勢所趨，仲話未來項目要考慮利用平台或地牢闢設「共享空間」，供住戶存放被褥同抽濕機等季節性物件，代替住戶外租迷你倉。呢番言論一出，隨即惹嚟外界猛烈抨擊，指摘市建局「倒退」同「撐納米樓」。韋志成見狀，尋日再發表題為「從沒說過支持納米樓」網誌澄清，仲強調自己唔係提議倒退，簡直就係今日的我打倒昨日的我。
