喺五一勞動節假期期間，有大量內地旅客喺康文署轄下嘅泳灘紮營，康文署署長李美嫦尋日被問到相關報道時，先話署方已經同警方採取聯合行動，喺泳灘巡邏，勸喻旅客唔好喺泳灘搭帳篷，並呼籲旅客喺香港期間守法，仲自爆之前署方曾收過相關投訴。其實內地旅客嚟香港紮營唔係新鮮事，李美嫦應該預計會出現呢啲問題，早啲作出相應行動，而唔係喺「佔領沙灘」事件發生後先嚟補鑊，根本係後知後覺喇！
