政情：何君堯新奇諗頭借綜援人士落區清潔

稱能減少彼此隔膜

何君堯前日喺facebook發貼談及五一勞動節隨筆，指自己平日喺開車途中，不時見到路邊雜草叢生同四處垃圾，「一些開放式的垃圾站，垃圾亂堆」，佢忽發奇想建議，如果十八區區議會設定機制，安排議員定期同食環署人員出巡，以協助清理各區衞生黑點。

唔單止咁，佢仲話目前有二十多萬領取綜援嘅人士，建議喺政府統籌下，「借調」部分嚟參與清潔活動，共同維護公共設施，改善社區環境，倡導香港是我家嘅概念。佢仲提及，更重要嘅係可以協助綜援人士重新走進社區，減低市民之間，甚至同各政府部門之間嘅隔膜喎。